Chumm, mi schlafed

 

Chumm, mi schlafed mitenand

bis mer gueti Fründe sind

hebbed ois eifach

wänn Rede nüt bringt

 

chumm, mi verstönd ois

immer wieder

verlönd ois uf d Akazie

und de wiissi Flieder

 

chumm, mi schmöcked ois

im Dunkle wie im Helle

bis de Tod ois verchleidet

mümmer ois sälber vergäh

 

 

 

chumm, mi wüssed

was mer wänd

chumm, mi schicked ois Charte

vo Irrgärte und einsame Stränd

 

chumm, mi flüchted zunenand

vor oisne Egos

ich bin mer ellei oft

e Nummere z gross

 

chumm, mi bruuched ois

nöd nu wänn mer ois bruuched

chumm, mi bruuched ois

wienen Fluss es Ufer

 

chumm, mi verschnuufed

 

 

 

chumm, mi frässed ois

mit allne wänn und aber

wässered ois täglich

demit das Füür nöd uusgaht

 

chumm, mi passed zunenand

wie d Sunne zu de Brülle

ich cha nöd wegluege

au wänn dich tuusig Schleier verhülled

 

chumm, mi verarsched all

die Astrologe

dass mir s mitenand chönd

isch wiene Naturkatastrophe

 

 

 

chumm, mi tränned ois

das Mal definitiv

das isch s letschte Mal, won ich dich

vergliich

 

chumm, mi gumped zäme

i dis chalte Bett

wämmer vom Alter redt

isch mer scho gfaltet und fett

 

chumm, mi sind so

wimmer sind, solang s fü bedi stimmt

chumm, mi schlafed jetzt

dänn simmer morn gueti Fründ

 

 

 

 

English Translation by Rafaël Newman

 

C’mon, let’s sleep

 

C’mon, let’s sleep together

Till we’re good friends

C’mon, we’ll just hold each other

When talk is at an end

 

C’mon, again and again

We’ve got it together

Drawing strength from the acacia

And the snowy white heather

 

C’mon, let’s smell one another

Till death us do partner

In the darkness and the light

We’ll be our own pardoners

 

 

 

C’mon, we know just

What will reach us

Send each other cards from maze gardens

And lonely beaches

 

C’mon, let’s take refuge with each other

And escape from our egos

By myself I am often

Too much for me to deal with

 

C’mon, we need each other

Not just when we need each other

C’mon, we need each other

Like a bank needs a river

 

C’mon, let’s take a breather

 

 

 

C’mon, let’s devour each other

With all of our ifs ands or buts

Water each other daily

So the fire never goes out

 

C’mon, we go together

Like the sun goes with the shades

I can’t look away

Though you are veiled in a thousand charades

 

C’mon, let’s make fools of all

The heavenly forecasters

The fact that we get along

Is like a natural disaster

 

 

 

C’mon, let’s split up

And this one’s for good

This is the last time I will

Compare you both

 

C’mon, let’s jump together

Into the deep bed

Speak of old age and you’re

Already wrinkled and near dead

 

C’mon, we are

The way we are, as long as it’s good for us both

C’mon, let’s sleep now

Then we’ll be good friends tomorrow